Articulo 1 – Ken nos ta y definicionnan

1. D&A Begeleiding ta e nomber comun bou di cual tres tutor independiente ta traha hunto pa haci reservacion di les mas facil. D&A Begeleiding no ta un compania registra.

2. Tutor: un di e tutornan cu ta traha bou di e nomber D&A Begeleiding y cu ta duna e les.

3. Studiante: e persona cu ta ricibi e les.

4. Reservado: e persona cu ta reserva y paga pa un les. Esaki por ta e mayor, wela, welo, voogd of otro adulto di e studiante, of e studiante mes cu permiso di un mayor of voogd.

5. Les: un les individual pa un servicio y duracion cu e reservado ta scoge.

6. Servicio: un di e tiponan di les cu D&A Begeleiding ta ofrece, manera ta describi riba e website.

​

Articulo 2 – Aplicacion

1. E condicionnan aki ta aplica pa tur reservacion di un les cu D&A Begeleiding.

2. Door di reserva un les, e reservado ta acepta e condicionnan aki.

3. Otro acuerdonan ta conta solamente si un tutor a confirm'e por escrito (por ta tambe via e-mail of WhatsApp).

4. Si un di e condicionnan aki no ta valido, e resto di condicion ta keda na vigor.

​

Articulo 3 – Reservacion

1. Por reserva les via e website, via e-mail, telefon of WhatsApp.

2. Un reservacion ta definitivo ora un tutor confirm'e.

3. Si e studiante tin menos cu 18 aña y e haci un reservacion, un mayor of voogd mester duna permiso. Un tutor por pidi pa e permiso aki prome cu e confirma e reservacion.

4. Ora di reserva, e reservado ta scoge e servicio, e duracion di e les, e fecha y ora, y e luga (mira articulo 4).

5. D&A Begeleiding ta duna les na studiantenan di scol basico (klas 1 te 6) y di enseñansa secundario (aña 1 te 3 di MAVO, HAVO y VWO).

6. D&A Begeleiding por nenga un reservacion, por ehempel si e yudansa cu ta ser pidi ta cay pafo di loke nos ta ofrece of si no tin tutor disponibel.

​

Articulo 4 – Servicionan, duracion di les y luganan

1. D&A Begeleiding ta ofrece varios servicio. E contenido y prijs di cada servicio ta riba e website.

2. E reservado ta scoge e duracion di e les ora di reserva.

3. Durante dia di siman, e lesnan ta tuma luga na Biblioteca Nacional Aruba.

4. Den weekend, e reservado y e tutor ta spreek af riba e luga, y esaki por ta unda cu ta na Aruba.

5. Transporte pa y di e luga ta e responsabilidad di e reservado y e studiante.

6. Si e studiante yega laat, e les ta termina tog na e ora acorda y ta cobra pa e les completo. Si e tutor yega laat, e tempo perdi ta ser recupera of rebaha for di e prijs.

​

Articulo 5 – Tarifa y pago

1. E tarifa ta depende di e servicio scogi y e duracion di e les. E tarifanan actual ta riba e website.

2. Mester paga mesora cu e les caba.

3. Si un les no ta paga, e tutor por nenga di plania otro les te ora e pago wordo ricibi.

4. D&A Begeleiding por cambia su tarifanan na cualkier momento, cu aviso di antemano riba e website of na e reservado. Pa lesnan cu ya ta reserva, e tarifa cu tabata aplica na momento di reservacion ta conta.

​

Articulo 6 – Cancela y cambia fecha

1. E reservado por cancela of cambia fecha di un les sin costo te cu 6 ora prome cu e cuminsa.

2. Cancelacion mas laat y ora e studiante no presenta ta wordo cobra completo.

3. Si e studiante bira malo, esaki mester wordo avisa prome cu e les cuminsa, e tutor por, segun su discreto, cambia fecha di e les sin costo.

4. Si un tutor mester cancela, e les lo wordo plania pa un otro fecha sin costo addicional, of un otro tutor di D&A Begeleiding por tum'e over.

5. Cancelacion ta bay via e-mail, telefon of WhatsApp.

​

Articulo 7 – Comportacion durante les

1. E studiante ta yega na tempo y ta trece e material necesario (buki, schrift, huiswerk, material di examen).

2. E reservado ta comparti informacion cu ta yuda cu e les, manera fecha di examen of partinan cu e studiante ta haya dificil.

3. E studiante ta trata e tutor cu respet y ta sigui e reglanan di e lugar.

4. Un tutor por termina un les prome cu tempo den caso di comportacion inapropia. E ora ey ta cobra pa e les completo.

​

Articulo 8 – Supervision

1. E lesnan ta tuma luga na luganan publico of semi-publico, of na un luga acorda.

2. E mayornan of voogdnan di e studiante ta keda responsabel pa e studiante durante e transporte pa y di e les, y prome y despues di e les.

3. Tutornan no ta ofrece cuido di mucha. Despues di e les, mester bin busca e studiante, of e studiante por bay su so cu permiso di un mayor of voogd.

​

Articulo 9 – Daño y responsabilidad

1. Tutornan ta haci nan maximo esfuerso pa yuda cu e progreso di e studiante, pero nan no ta garantisa nada, resultado di examen of pasa pa siguiente aña.

2. Cualkier daño causa pa e studiante ta e responsabilidad di e mayornan of voogdnan di e studiante.

3. D&A Begeleiding y su tutornan no ta responsabel pa perdida di of daño na cosnan di e studiante durante of rond di un les.

4. E responsabilidad di D&A Begeleiding y su tutornan ta limita den tur caso na e suma cu a wordo paga pa e les en cuestion, cu excepcion di caso di intencion of negligencia grave.

5. Material cu un tutor ta duna ta solamente pa uzo personal di e studiante y no por ser distribui ni bende.

​

Articulo 10 – Privacidad

1. Tutornan ta uza e datonan personal di e reservado y e studiante solamente pa plania y duna les y pa atende cu e pago.

2. Tutornan ta wanta tur loke nan sa of haya sa di e studiante y su famia durante e lesnan confidencial.

3. Tutornan no ta saca potret ni video di studiantenan.

​

Articulo 11 – Keho

1. Mester entrega keho den 14 dia despues di e les en cuestion, via dna.begeleiding@gmail.com.

2. D&A Begeleiding ta reacciona den 14 dia.

​

Articulo 12 – Cambio y ley aplicabel

1. D&A Begeleiding por adapta e condicionnan aki. E version mas recien semper ta disponibel riba dna-begeleiding.com. Pa lesnan cu ya ta reserva, e condicionnan cu tabata aplica na momento di reservacion ta conta.

2. E condicionnan aki y tur reservacion ta cay bou di ley di Aruba.

3. Disputa cu e partidonan no por resolve entre nan por wordo presenta dilanti Corte di Prome Instancia di Aruba (Gerecht in Eerste Aanleg van Aruba).